Stop Bekeng Tako Orang, Kong Pake Hoax Lagi !!!

Isu Corona so jadi trending topic dunia kalo buka tv, buka fb, twitter, instagram samua bahas tentang covid-19. Baru abis itu ngoni tambah-tambah bekeng tako dengan ba sebar depe berita berita hoaks.

Gaes bagini kwa torang musti hadapi ini covid-19 dengan kewaspadaan bukan dengan kepanikan.

Ngoni musti tau lagi kalau ngoni pe jempol yang ja klik share info

kong belum pasti depe kebenaran itu tambah bekeng masalah.

Ada yang ja bekeng-bekeng tako lewat gambar atau meme,

baru ada yang ja baku sindir belum lagi banyak yang ja kase salah pemerintah karena ini virus covid-19.

Gaes torang musti sama-sama jadi penyebar berita positif

yang tentunya valid depe data kalaupun mo sebar tentang perkembangan jumlah pasien covid-19

ada depe sumber terpercaya dari Kominfo, itu dank tu akun WA yang so tersebar pa ngoni pe wa masing-masing baru depe website boleh ngoni klik kong lia,

napa depe link https://www.covid19.go.id/.

Disitu boleh ngoni akses lengkap depe informasi.

Lebe bae torang bantu sebar berita yang bae-bae,

yang gaga mo lia dang dengan yang bagus mo dengar supaya ja bekeng kase senang hati sadiki.

Lantaran apa ?

lantaran taorang pe psikis pengaruh juga for mo hadapi virus ini. Torang musti baku tulung sama-sama for jadi imun pa torang pe diri sendiri khususnya dan orang banyak umumnya.

Banyak lagi aktivitas positif yang boleh torang mo bekeng selama torang da Self Quarantine,

contohnya kase bersih rumah, banyak babaca buku yang belum sempat torang baca, banyak belajar, deng banyak interaksi dengan keluarga dirumah.

Boleh juga torang mo kembangkan torang pe bakat, deng lakukan torang pe hobi semaksimal mungkin. Biar cuman dapa lia simpel bagitu gaes, mar depe pengaruh besar for orang banyak.

            Jadi biar torang cuman dirumah, mar torang bekeng hal-hal yang berguna salah satunya jangan gampang sebar berita yang nda betul,

dengan stop ba bekeng tako di media sosial pluss kalau ngoni suka le, ngoni togor akang tu orang-orang yang ja ba posting nda bagus,

itu so jadi amal baik for ngoni gaes.

Deng Tuhan ndak tutup mata dengan apa yang torang bekeng selama ini.

            Jadi itu samua musti mulai dari torang, kalau bukan torang sapa lagi?

ok gaes, tetap jaga ngoni pe kesehatan deng kebersihan, dirumahjo jangan dulu bapontar.

Penulis : Jhyza

Tinggalkan Balasan

Alamat email Anda tidak akan dipublikasikan. Ruas yang wajib ditandai *